holyheart2010
عدد المساهمات : 88
نقاط : 150
تاريخ التسجيل : 20/09/2010
العمر : 40
الموقع : 0142568430
 | | موضوع: تطوير التعليم الإثنين ديسمبر 26, 2011 12:41 am | |
| تطوير التعليم ذاتيا
Smart & Effective project
الفكرة باختصار: احنا طول عمرنا مهتمين بتعليم المدرس ازاى يشرح ومركزين على النقطة دى دون الالتفات الى كيفية تلقى الطالب !!
زى بالضبط الاهتمام بجهاز البث الاذاعى وعدم الاهتمام بالمستقبِل .. طب كيف سيستقبل الراديو على موجات هو لم يضبط عليها؟؟؟
وفى الاخر بنرجع نلوم على الطالب ونتهمه بالغباء عشان ماعرفش يلقط موجة بث المدرس مع ان ده مش ذنبه اصلا!!
وعشان كده اجدعها مدرس بيقول اللى يخلصه من ضميره واللى يفهم يفهم واللى مايفهمش مايفهمش.
الفاقد من ورا الطريقة دى بيكون كتير لان مش كل الطلبة بتستطيع التأقلم مع طريقة كل المدرسين.
يبقى اذن لابد ان نبحث عن طريقة يكون فيها اداء المدرس بأقصى كفاءة وفاقد الطلبة اللى بيتخلفو عن الركب زيرو.
فى الحالة دى يبقى المنطق بيقول اننا لازم نبحث عن أفضل موجة استقبال عند الطالب
ومهمة المدرس انه يبث عليها بالطريقة التى تعطى افضل فاعلية
طب مهمةالمدرس ستظل أيضا البث وإعطاء المعلومات ويكون هو المصدر الوحيد بجانب الكتاب المدرسى؟ والطالب متلقى سلبى؟
العلماء التربوين فكرو فى كل الاسئلة دى من زمان وبدأت الاجابات تتكشف بدءاً من
تسعينيات القرن الماضى واكتشفو
امور مدهشة عند الاطفال بنو عليها عدة نظريات منها Multiple Intelligence و Learning Styles and Strategies.
وبدأو فى بناء منظومة متكاملة سهلة التطبيق فى كل زمان ومكان وبأى امكانيات لان
العنصر الاساسى فيها هو العنصر البشرى.
حيث يقوم المدرس بعمل اختبارات بسيطة للطلاب فى بداية العام لمعرفة طرق التعلم المفضلة لدى كل طالب( وهى بمثابة بصمة اصبع لا تتكرر) ثم تحليل و تجميع الانماط الرئيسية فى ثلاثة
ثم يقوم المدرس بتحضير الدرس بما يلائم الثلاثة انماط فى درس واحد وحصة واحدة وهو ما يسمى Differentiation وهذايتطلب مدرس واعى مدرب
و تتم عملية التعلم عند كل طالب تبعا لانماط التعلم المتاحة والمفضلة لديه ولا يتخلف احد ( طبعا شرح طريقة تطبيق ذلك تحتاج الى وقت وشرح تفصيلى)
كما ان الكتاب المدرسى لا يصبح هو"قرآن" التعلم الذى أصبح هدف فى ذاته.. ولكن يكون مجرد " نقطة انطلاق" لأبعاد اكبر
ومنذ ذلك الوقت وهذه المنظومة تثبت فاعليتها بأنتاج نوعية من الطلاب لديهم الابداع والفكر الناقد والقدرة على حل المشكلات.
سؤال: كيف يمكن تطبيق ذلك فى فصل به 60 طالب؟ وهل تم تجربة هذا الاسلوب على الطالب المصرى؟
الاجابة: طبعا صعب تطبيقه فى فصول كثافة اعلى من 30 طالب لذلك نبدأ بالفصول قليلة الكثافة .. لحين حل ازمة الكثافة..والطشاش ولا العمى كله
وطبعا تم تجربة هذاالاسلوب على الطالب المصرى ونجع بفاعلية مذهلة لان الطالب شعر بأسلوب مختلف يحترم احتياجاته..(عن تجربة شخصية)
س: طب ايه الفرق بين ده وبين طريقة" التعلم النشط "اللى الوزارة بتفرضها دلوقتى على المدارس؟
ج: التعلم النشط هو محاولة لتطبيق جزأ من هذا الاسلوب ولكن بدون تدريب كافى وبدون اقناع المدرس (العامل الاساسى لإنجاحه)
كما ان التعلم النشط معظمه تستيف اوراق اكتر من شغل على دماغ ومهارات الطلاب
التعلم النشط اسلوب تم استجلابه للتطبيق دون مراعاة الظروف الخاصة بالطالب والمعلم والادارى المصرى
ده غير ان اولياء الامور بيبوظو الطريقةفى معظم الاحوال لانهم بيقومو بعمل انشطة اولادهم المدرسية بدلا من أولادهم !!!!
طبعا الموضوع محتاج امور اخرى ووقت حتى يصل المدرس الى المستوى الاحترافى الذى يمكنه من عمل ذلك بأقل مجهود وبابداع
سؤال: طب ايه الفرق بين ده وبين " الفروق الفردية؟"
طبعا كانو بيدرسولنا زمان وحتى الان فى كليات التربية " الفروق الفردية" وهيا نظريةموجودة من الخمسينيات لكن طلع ان الموضوع اوسع وابعد من كده
وللاسف كليات التربية عندنا لسه بتستخدم المصطلح والنظرية القديمةولم تقدم اى تطبيق عملى لها.
اللهم وفقنا جميعا لما فيه خير مصر
منقووووووووووووووووووووووووول | |
|
